+7 (777) 001 44 99
Қазақша
Русский
English
Орта салмақтағы IBF және IBO тұжырымдары бойынша әлем чемпионы қазақстандық боксшы Геннадий Головкин польшалық Камил Шереметамен болған жекпе-жек кезінде бокс алаңының сыртында не болғанын және Instagram желісіндегі парақшасында ең үздік сәттерді жариялады, - деп хабарлайды Vesti.kz.
Головкин парақшасында жариялаған видео кадрында алдымен бокс алаңының сыртындағы сәт, оның ішінде, жекпе-жек алдындағы жаттығу мен рингке шығар алдындағы кез көрсетілген. Видеоның екінші бөлімінде польшалық боксшымен жұдырықтасқан кездегі ең үздік сәттер көрсетілген.
Посмотреть эту публикацию в Instagram
"Бұл - тарих", - делінген видеода.
Еске салайық, жетінші раундтан кейін Шеремета жекпе-жекті жалғастырудан бас тартты. Осылайша Головкин техникалық нокаутпен жеңіске жетті.
Айта кетейік, Головкин 21-ші рет титулын сәтті қорғап, аты аңызға айналған Бернард Хопкинстің рекордын жаңартты. Осы жекпе-жекке дейін екеуінде де чемпион мәртебесінде 20 жеңіс болған - бұл дивизионның рекорды. Америкалық спортшы мұны 1995-2005 жылдар аралығында жасаған, ал GGG бұл жетістікке екі жыл азырақ уақытты жетті (2010-2018).
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
