+7 (777) 001 44 99
Қазақша
Русский
English
Головкин мен Альварес реваншы билеттерінің алдын ала сатылымы 2 шілдеде басталады, деп хабарлады Vesti.kz порталы GGG промоутері Том Леффлерге сілтеме жасап.
Билеттер дүйсенбі күні Лас-Вегас уақыты бойынша 10.00-де немесе Астана уақытымен сағат 23.00-де сатылымға шығады.
Айта кетейік, билеттердің бағасы бірінші жекпе-жектегідей болады: 300, 500, 700, 800, 1 500, 2 500 және 5 000 доллар.
Реванш 15 қыркүйекте Лас-Вегастағы (Невада штаты, АҚШ) T-Mobile аренасында өтеді және оны ақылы жүйеде (PPV) НВО телеарнасы көрсетеді.
Еске сала кетейік, қазір GGG Қазақстанда жүр. Ол Қазақстан Президентімен кездесіп, Назарбаевқа чемпиондық белбеулерін сыйлады. Сонымен қатар, Головкин Қазақстанда жекпе-жек өткізуге сөз берді.
