Головкин Қарағанды облысының құрметті азаматы атанды

13 Желтоқсан 2017, 11:05
0
Головкин Қарағанды облысының құрметті азаматы атанды -

Орта салмақта WBC, WBA (Super), IBF және IBO тұжырымдары бойынша әлем чемпионы Геннадий Головкинге (37-0-1, 33 КО) "Қарағанды облысының құрметті азаматы" атағы берілді, - деп хабарлайды Vesti.kz.

Қарағанды облыстық мәслихатының кезекті, 13-ші сессиясында депутаттар бір ауыздан дауыс беріп, осындай шешім шығарды. 

"Қарағанды облысының құрметті азаматы" атағы өңір мен елге ерекше еңбек сіңіргені үшін беріледі. Мұндай марапатты шығару үшін кәсіпорыннан, мемлекеттік мекемеден немесе қоғамдық ұйымнан өтініш түсірілуі тиіс. Құрметті азамат атағы өмір бойына беріледі, бірақ сотты болған жағдайда одан айырылып қалуы мүмкін. Бұл атақты алу үшін азаматтың кем дегенде он жыл бойындағы қызметі өңірмен байланысты болуы керек. 

34 жастағы Головкин Қарағандыда туып-өскен. Қазіргі уақытта ол кәсіпқой бокста Қазақстаннан шыққан жалғыз әлем чемпионы әрі The Ring және ESPN тұжырымдары бойынша беделді рейтингтерде салмақ категориясына тәуелсіз үздік боксшылар тізімінде көш бастап тұр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай