Орта салмақта IBF және IBO тұжырымдары бойынша әлем чемпионы Геннадий Головкин (40-1-1, 35 КО) поляк Камил Шереметамен (21-0, 5 КО) Қазақстанда жұдырықтасуы мүмкін. Бұл туралы Головкиннің промоутері Эдди Хирн IFL TV-ге берген сұхбатында айтты.
Сондай-ақ жекпе-жек өтуі мүмкін елдердің қатарында АҚШ бар - бұған дейін боксшылар Чикагода жұдырықтасады деп хабарланған. Кездесу 11 сәуірде өтуі мүмкін.
???????? Gennady Golovkin vs Kamil Szeremeta may now take place in Kazakhstan on April 11th, USA still an option, according to Eddie Hearn. The promoter also revealed that Katie Taylor vs Amanda Serrano is going to happen in America in April. [@IFLTV]
— Michael Benson (@MichaelBensonn) January 23, 2020
Айта кетейік, Шеремета - IBF титулының міндетті үміткері. IBF мен IBО белбеулерін Головкин 5 қазанда жеңіп алған болатын. Сол жекпе-жекте украиналық Сергей Деревянченконы (13-2, 10 КО) төрешілер шешімімен жеңген еді.
37 жастағы Головкин карьерасында АҚШ, Германия, Дания, Панама, Украина, Монако, Ұлыбритания және Қазақстанда жұдырықтасқан.