+7 (777) 001 44 99
Қазақша
Русский
English
Геннадий Головкиннің промоутері Том Леффлер Головкин-Лемье және Котто-Альварес жекпе-жектерінің жеңімпаздары рингте кездесетінін айтты, - деп хабарлайды Vesti.kz.
"WBC Котто - Альварес жекпе-жегінің жеңімпазы Головкин - Лемье кездесуінде жеңіске жеткен адаммен кездеседі деп шешті", - деді Леффлер.
WBC президенті Маурисио Сулейман бұған дейін де орта салмақта WBC чемпионы Мигель Котто мен мексикалық Альварес келесі кездесуін WBA (Super), IBO және WBC (Interim) чемпионы Геннадий Головкинмен кездесуі керек екенін хабарлаған еді. Ол кезде Лемье туралы әңгіме болған жоқ.
Еске сала кетейік, Давид Лемье мен Геннадий Головкин 17 қазанда Нью-Йорктегі Madison Square Garden аренасына жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ.
