Головкин мен Альварестің екінші жекпе-жегін қай арналар көрсетеді?

15 қыркүйекте Лас-Вегас (АҚШ) қаласындағы T-Mobile аренасында WBA (Super), IBO және WBC тұжырымы бойынша орта салмақтағы әлем чемпиондары қазақстандық боксшы Геннадий Головкин мен мексикалық Сауль "Канело" Альварес арасында жекпе-жек өтеді. Кездесуді тікелей эфирде Qazaqstan мен Qazsport телеарналары көрсетеді, - деп хабарлайды Tengrinews.kz тілшісі "Қазақстан" телерадиокорпорациясының баспасөз қызметіне сілтеме жасап.

15 қыркүйекте Лас-Вегас (АҚШ) қаласындағы T-Mobile аренасында WBA (Super), IBO және WBC тұжырымы бойынша орта салмақтағы әлем чемпиондары қазақстандық боксшы Геннадий Головкин мен мексикалық Сауль "Канело" Альварес арасында жекпе-жек өтеді. Кездесуді тікелей эфирде Qazaqstan мен Qazsport телеарналары көрсетеді, - деп хабарлайды Tengrinews.kz тілшісі "Қазақстан" телерадиокорпорациясының баспасөз қызметіне сілтеме жасап.

"Жылдың басты жекпе-жегін өткізіп алма! Трансляция 16 қыркүйек күні тікелей эфирде Qazaqstan мен Qazsport телеарналарында көрсетіледі. Сонымен қатар, Головкиннің кездесуін Qazaqstan TV мобильді қосымшасынан тамашалауға болады", - делінген баспасөз қызметінің хабарламасында.

Екі салмақ дәрежесі бойынша әлемнің экс-чемпионы Сауль Альварес Геннадий Головкинге қарсы кездесуінде WBA (Super), IBO және WBC белдігі үшін таласады. Сондай-ақ, олар орта салмақ бойынша The Ring журналының чемпиондық белдігін сарапқа салмақшы. Олардың алғашқы кездесуі бір жыл бұрын дәл осы аренада өтіп, екі боксшы тең түскен болатын.

соңғы жаңалықтар Головкин-Альварес Головкин Геннадий Бокс БАҚ