1. Басты
  2. Біл
  3. Спорт
  4. Бокс

Головкин мен "Канело" қайтадан көз арбасты

Видеодан алынған кадр Видеодан алынған кадр

WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық Геннадий Головкин (37-0-1, 33 КО) мен мексикалық Сауль "Канело" Альварес (49-1-2, 34 КО) 5 мамырда Лас-Вегаста белгіленген жекпе-жекке байланысты  қайтадан көз арбасты, - деп хабарлайды Vesti.kz.

Боксшылар Лос-Анджелесте медиа іс-шара аясында өткен кездесуде көз арбасты. Сондай-ақ, Головкин мен Альварес баспасөз конференциясында журналистердің сұрақтарына жауап береді. 

Айта кетейік, 5 мамырда Лас-Вегастағы T-Mobile Arena-да  өтетін бокс кешінің билеттері 28 ақпаннан бастап сатылымға шығады. Олардың бағалары 300 (96 000 теңге) - 5 000 доллар (1 600 000 теңге) аралығында.

Еске салайық, Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.