+7 (777) 001 44 99
Қазақша
Русский
English
Қазақстандық кәсіпқой боксшы Геннадий Головкин (33-0, 30 КО) мен оның қарсыласы канадалық Давид Лемье (34-2, 31 КО) жекпе-жек алдында тыйым салынған препараттарды анықтау бойынша келісімшартқа қол қойды, - деп хабарлайды Vesti.kz тілшісі boxingscene.com басылымына сілтеме жасап.
Екі боксшы да Дүниежүзілік антидопинг агенттігіне қажетті материалды өткізеді. Тараптар келісімшарттың өзге шарттарын жария етпеуді шешті.
Еске сала кетейік, Давид Лемье мен Геннадий Головкин 17 қазанда Нью-Йорктегі Madison Square Garden аренасында жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ. Кездесуді "Қазақстан" телеарнасынан тікелей эфирде көруге болады.
