+7 (777) 001 44 99
Қазақша
Русский
English
Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинге (36-0, 33 КО) тағы бір ән арналды, - деп хабарлайды Vesti.kz.
"GGG" композицияның авторлары қарағандылық орындаушы Мұрат Бекішев пен прокурор Берік Ахметжанов. Қазақстандық боксшыға арналған әннің сөздері қазақ және орыс тілдерінде жазылған. "Трипл Джи. Геннадий. Қазақстан" қайырмасы бірден есте қалады. Сонымен қатар, әнде орта салмақтағы чемпионның туған жері туралы айтылған: "Теперь все знают Майкудук, ведь GGG родился тут!".
Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Трансляцияның басталуы 19 наурызда 08:00-де.
