+7 (777) 001 44 99
Қазақша
Русский
English
Головкин мен Альварестің реваншта бір-біріне қанша соққы дарытқаны туралы статистика белгілі болды, - деп хабарлайды Tengrinews.kz тілшісі Vesti.kz порталына сілтеме жасап.
Compubox мәліметтері бойынша, Головкин 879 соққы жұмсаған, олардан 234 соққы дәл тиген (27 пайыз). Джеб 547-118 (22 пайыз), күшті соққылар 332-116 (35).
Альварестің жұмсаған соққылары айтарлықтай аз (622), бірақ дәл тигені басым - 202 соққы (33 пайыз). Джеб 256-59 (23 пайыз), күшті соққылар 366-143 (39).
Айта кетейік, Геннадий Головкин мексикалық Сауль "Канело" Альварестен бүгінгі өткен реваншта жеңіліп қалды. Төрешілердің шешімі бойынша жеңімпаз Сауль Альварес: 115-113, 115-113, 114-114.
Головкиннің барлық титулы Альвареске өтті - орта салмақта WBC, WBA (Super) және IBO белдіктері. Мексикалық боксшыға The Ring чемпиондық титулы да бұйырды, журнал оны Альварестен тартып алған болатын.
