+7 (777) 001 44 99
Қазақша
Русский
English
Жақында Қарағандыда белгілі боксшы Геннадий Головкиннің балалық шағы өткен 14-ші ықшамаудандағы № 11 үйдің ауласында балалар ойын кешенінің ашылу салтанаты өткен болатын.
Спортшының көршілері "Новый Вестник" басылымының журналистеріне қарағандылық жігіттің балалық шағын қалай өткізгенін айтып берді.
"Басқа балалар сияқты аулада кір-қожалақ болып жүгіріп жүретін. Мен біздің Генаны дүниеге келген сәтінен бері білемін. Мейірімді, елгезек бала болатын. Спортшының отбасы да жақсы. Головкиннің отбасында төрт бала болды. Өзімнің балаларым сияқты олар үшін де уайымдайтынмын. Бауыларына обал болды. Екеуі де әскерде қызмет етті. Біреуін аулада төбелес кезінде өлтіріп кетті. Екіншісі жұмбақ жағдайда қайтыс болды. Ол кезде Головкин кішкентай болатын. Ал егіз Максим мен Гена қазіргі уақытта тек біздің емес, бүкіл Қазақстанның мақтанышы болып отыр. Геннадий № 11 үйде 1-пәтерде тұратын. Бұл сандар нені білдіреді? Бұл оның әрдайым №1 болатынын білдіреді", - деді "Журавушка" балабақшасында жұмыс істеген Падиша Рахимова.
Ал боксшының екінші бір көршісі Головкиннің бірде-бір жекпе-жегін өткізбей көретінін айтады. "Соңғы рет Головкин Джейкобспен жұдырықтасқанда жүрегім тоқтап қала жаздады. Геночка, өтінемін! Келесі жолы мені бұлай уайымдатпа. Қарсыласыңды бірінші соққыдан-ақ нокаутқа түсір. Біз Максим мен Генаны бүкіл көршілер болып тәрбиеледік. Максим балалық шағында әлжуаз еді, а Гена салмақты болатын. Сондықтан Гена оны үнемі қорғап жүретін. Мінездері мен түрлеріне қарасаң олар әр түрлі адамдар сияқты. Бірақ олар әлі күнге дейін бір-бірінсіз өмір сүре алмайды. Олар өмір бойына осылай жүреді. Мен оған сенімдімін", - деді Нина Михайловна.
Еске сала кетейік, қазақстандық боксшы спорт кешенін ресми түрде 7 маусымда ашқан болатын. Салтанатты шараға Қарағандының спорт мектептері мен балалар үйінің тәрбиеленушілері қатысты. Айта кетейік, спорт кешенінде балалар үшін дайындықтар тегін болады. Қарағанды облысы әкімдігінің бастамасымен спорт кешеніне Геннадий Головкиннің аты беріледі.
