Головкиннің "Канеломен" жекпе-жегі PPV бойынша ең қымбат кездесу болады

26 Маусым 2017, 11:49
0
Головкиннің "Канеломен" жекпе-жегі PPV бойынша ең қымбат кездесу болады - © vk.com/ggolovkin
© vk.com/ggolovkin

16 қыркүйекте Лас-Вегастың T-Mobile Arena аренасында орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) арасында жекпе-жек өтеді, - деп хабарлайды Vesti.kz.

HBO телеарнасы ақылы трансляция жүйесі (PPV) арқылы көрсететін болады. Бұл Головкиннің осындай форматтағы үшінші кездесуі. 

Осыған дейін, GGG - "Канело" жекпе-жегінің ақылы көрсетілімі (PPV құны) 75 мың доллар болатыны анықталды. Осылайша бұл жекпе-жек Головкин тәжірибесіндегі ең қымбат ақылы трансляция болмақшы. Қазақстандықтың осыған дейінгі екі кездесуінде Дэниэл Джейкобске және Давид Лемьеге қарсы кездесулер 55 және 50 долларға сатылған болатын. 

Альварестің промоутері Оскар Де Ла Хойя жекпе-жекті үш миллион PPV сатылымдары болады деп болжаған. Егер оның ойы іске асатын болса, бокс тарихында Мейвезер - Пакьяо жекпе-жегінен кейінгі ең қымбат сатылым болып тіркеледі.

22 маусымда Головкин - Альварес жекпе-жегіне билеттер сатыла бастады. Бағасы - 300-500 доллар аралығында. FightSpace жобасының құрылтайшысы Григорий Стангрит осы жекпе-жектен түсетін қаржы мөлшері 20 миллион доллардан асып түсуі мүмкін екенін айтады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай