17 маусым 2018 | 10:02

Жеңіліп көрмеген қазақстандық боксшы Канадада жетінші жеңісін тойлады

Ардақ Құлтаев

Екінші орта салмақта жұдырықтасатын қазақстандық боксшы Нұрзат Сабыров кәсіпқой бокста жетінші жеңісіне қол жеткізді, - деп хабарлайды Vesti.kz.

Екінші орта салмақта жұдырықтасатын қазақстандық боксшы Нұрзат Сабыров кәсіпқой бокста жетінші жеңісіне қол жеткізді, - деп хабарлайды Vesti.kz.

24 жастағы қазақстандық Шавинигане қаласындағы төрт мың адамдық Centre Gervais Auto аренасында өткен бокс кешінің андеркартында өнер көрсетті, ал қарсыласы 40 жастағы мексикалық Гильермо Ромеро болды. Кездесу сегіз раундқа жоспарланған, бірақ Сабыров қарсыласын төртінші раундта техникалық нокаутпен тізе бүктірді.

Жеңіліп көрмеген қазақстандық осымен кәсіпқой бокстағы жетінші жеңісін тойлап отыр, оның алтауын отандасымыз уақытынан бұрын аяқтаған. Ромеро болса 12 рет жеңіске жетіп, 7 мәрте жеңіліс тапқан.

Айта кетейік, мексикалық боксшы 1996 жылы кәсіпқой спортқа келген, карьерасында ол екі рет үзіліс алған: 1997 мен 2001 және 2004 пен 2010 жылдар аралығы.

Айта кетейік, Сабыров бұған дейінгі кездесулерінің барлығын да Канадада өткізген. Себебі оның ісін жүргізетін менеджер Анна Рева мен канадалық компания Eye of the Tiger Managament осы елде. Бұл компания тағы үш қазақстандықтың мүддесін қорғайды, олар бірінші орта салмақтағы Батыр Жүкембаев, жеңіл салмақтағы Абылайхан Құсайынов және орта салмақтағы Садриддин Ахмедов.

20 жастағы Садриддин Ахметов та осы бокс кешінде өнер көрсетіп, кәсіпқой бокстағы үшінші жеңісін тойлады.

видеолар Бокс