+7 (777) 001 44 99
Қазақша
Русский
English
Қанат Ислам - Патрик Аллотей кездесуінің толық видеосы жарияланды, - деп хабарлайды Tengrinews.kz тілшісі.
Еске салайық, Қазақстандық боксшы WBA Fedelatin белбеуінің иегері Қанат Ислам кәсіпқой бокста ганалық қарсыласы Патрик Аллотейді ұпай санымен жеңіске жеткен еді. Кездесудің төрешілері 117-112, 116- 112, 116-112 есебімен жеңісті қазақстандықтың пайдасына шешті.
Бұл Қанат Исламның кәсіпқой бокстағы 22-ші кездесуі. Отандасымыз кездесулердің барлығында да жеңіске жеткен. Тіпті оның 18 жекпе-жегін ол уақытынан бұрын аяқтаған. Қанат Ислам алдыңғы кездесуінде жеңіске жетіп, WBA Fedelatin нұсқасы бойынша Америка аймағы чемпионы атағын қорғап қалған. Бұл - оның кәсіпқой рингте қол жеткізген алғашқы және әзірше жалғыз белбеуі. Патрик Аллотей де тәжірибелі боксшы. Осыған дейін кәсіпқой шаршы алаңда 36 жекпе-жек өткізген. Оның 34-де қарсыластарынан басым түскен. Оның 24-де қарсыластарын нокаутпен ұтса, 2 жекпе-жегінде ғана қарсыластарына есе жіберген. Жекпе-жектерінің барлығын дерлік Ганада өткізген. Үш кездесуі ғана өзге елде өткен. Кәсіпқой бокста "Улы жебе" деген лақап атқа ие. Салмақ өлшеу рәсімінде екі боксшының да салмағы 68 келіні көрсетті.
