+7 (777) 001 44 99
Қазақша
Русский
English
Екінші орта салмақта WBA (Super) және WBC титулының иегері, мексикалық боксшы Сауль Канело Альварес (54-1-2, 36 КО) тез арада титулды қорғау жекпе-жегін өткізуді жоспарлап отыр. Бұл туралы talkSPORT ұлыбританиялық спорт сайтының редакторы Майкл Бенсон Twitter желісінде жазды, - деп хабарлайды Tengrinews.kz тілшісі Vesti.kz басылымына сілтеме жасап.
Басылымның мәліметінше, боксшы WBC басшысы Маурисио Сулейманмен келесі кездесуін талқылаған. Канело осы категориядағы міндетті қарсыласы түркиялық Авни Йылдырыммен жақын арада жекпе-жекке шыққысы келетінін айтқан.
WBC president Mauricio Sulaiman has informed media that Canelo told him he wants a quick turnaround to defend his super-middleweight titles against WBC mandatory Avni Yildirim in early 2021. This has been touted as a potential Mexico homecoming fight for Canelo. pic.twitter.com/w2JeRs5Ttm
— Michael Benson (@MichaelBensonn) December 23, 2020
"WBC президенті Маурисио Сулейман бұқаралық ақпарат құралдарына Канело WBC нұсқасы бойынша супер орта салмақтағы міндетті қарсыласы Авни Йылдырыммен 2021 жылдың басында кездесіп, өз титулын тезірек қорғағысы келетінін айтқанын мәлімдеді", - деп жазды Бенсон.
Еске салайық, Альварес өткен демалыста Каллум Смитті (27-1, 19 КО) жеңіп, WBC бос титулын алды. Сондай-ақ оған ұлыбританиялыққа тиесілі WBA (Super) нұсқасы бойынша чемпион титулы бұйырды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
