+7 (777) 001 44 99
Қазақша
Русский
English
Мексикалық боксшы Сауль "Канело" Альварес өзінің туған қаласы Гвадалахарадағы жекеменшік емханаға жатты. Бұл туралы Vesti.kz порталы Publimetro басылымына сілтеме жасап хабарлады.
14 сәуірде Альварестің тізесіне атроскопия жасалды. Бұл операцияны жасау кезінде аяқ екі жерін тілініп, сол арқылы кішкентай камера жіберіледі және соның көмегімен дәрігер айтарлықтай аз ғана болған зақымның өзін анықтай алады және емдейді. Бұл процедура тегіршік пен сіңірдің зақымдануы кезінде жасалады.
Операция жергілікті уақытпен таңғы сағат жетіде жасалды, ол келесі күні үйіне жіберіледі. Кей жағдайларда атроскопиядан кейін біраз уақыт балдақпен жүру керек болады.
Келесі аптада Альварестің ісі бойынша тыңдау өтеді. Ол екі рет допинг-тесттен өтпей қалған болатын. Ол тыйым салынған заттардың ет арқылы түскенін айтты. Алайда наурызда Невада штатының атлетикалық комиссиясы (NSAC) оны уақытша шеттетті. Альварес болса 3 сәуірде Головкинмен жұдырықтасудан ресми түрде бас тартты.
Тыңдау 18 сәуірде өтеді. Ол телефон арқылы тергеледі немесе Лас-Вегаста NSAC сұрақтарына жауап береді. Егер ол өзінің кінәсіздігін дәлелдей алмаса, бір жылға дейін дисквалификациялануы мүмкін.
Альварестің допинг-тесттен өтпей қалуы Головкиннің де жоспарына әсер етті, ол 5 мамырда жекпе-жек өткізуге ниеттеніп отыр, бірақ әлі күнге дейін қарсылас табылған жоқ. Головкиннің келесі кездесуінің тағдыры да NSAC тыңдалымымен байланысты болып тұр.
