"Канело" Головкинмен реванш алдында бірінші допинг-тесттен өтті

31 Шілде 2018, 14:11
0
"Канело" Головкинмен реванш алдында бірінші допинг-тесттен өтті - "Канело" Альварес. © boxingscene.com
"Канело" Альварес. © boxingscene.com

"Канело" Головкинмен реванш өткізу туралы келісім жарияланғаннан кейін бірінші допинг-тест тапсырды, - деп хабарлады Vesti.kz.

Спорт порталының хабарлауынша, мексикалық боксшы Сауль "Канело" Альварес (49-1-2, 34 КО) допинг-тесттен сәтті өткен. Бұл туралы Бүкіләлемдік бокс кеңесінің (WBC) президенті Маурисио Сулейман мәлімдеді.

"WBC жаңа ғана VADA-дан "Канелоның" 13 шілдеде тапсырған допинг-тестінің есебін алды. Нәтижесі теріс", - деп жазды Сулейман Тwitter парақшасында.

Еске сала кетейік, биыл ақпанда мексикалық боксшы допинг сынамасын тапсырып, екі рет оның қан құрамынан кленбутерол препараты табылған еді. Оның командасы бұзылған еттің себебінен осындай жағдайға душар болдық деп ақталды. Альварес 5 мамырға белгіленген жекпе-жектен бас тартып, бокстан алты айға шеттелді.

Головкин мен Альварес арасындағы екінші жекпе-жек 15 қыркүйекте Невада штатының Лас-Вегас қаласындағы T-Mobile аренасында өтеді. Осыдан бір жыл бұрын қос боксшы осы аренада кездесіп, өзара мықтыны анықтай алмаған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай