"Канело" сұмдық жылдам, ал Головкин дүлей - промоутер

17 Мамыр 2017, 10:25
0
"Канело" сұмдық жылдам, ал Головкин дүлей - промоутер - © sport.bigmir.net
© sport.bigmir.net

Белгілі промоутер Эдди Хирн 16 қыркүйекке белгіленген қазақстандық Геннадий Головкин мен Сауль "Канело" Альварес жекпе-жегіне қатысты өз пікірін білдірді, - деп хабарлайды Vesti.kz сайтының қазақ бөлімі.

"Канело" Головкиннен мықты деп ойламаймын. Орта салмақта GGG-ді жеңе алатын боксшы кемде-кем. Альварес - керемет боксшы. Оның Лиам Смитпен жұдырықтасқанын қайта қарап шықтым. Сіздер Смитті мықты деп санамайтындарыңызды білем, бірақ, ол жақсы боксшы. Ең жоғары деңгейде емес, алайда, мықтылығы да бар. 

"Канело" сұмдық жылдам, бірақ Головкиннің дүлей күші бар. Ол шегінер жолыңызды бөгеп, қарсыласын қыса түседі. Ал соққысының күші - мұны енді айтып жеткізе алмайсың", - дейді Хирн FightHub TV арнасына берген сұхбатында. 

Еске салайық, Хирн Головкиннің 2016 жылы Лондонда өткен Келл Брукпен жекпе-жегін ұйымдастырған. Бесінші раундта Бруктың командасы рингке орамал тастап, жекпе-жек тоқтатылған болатын. Кейін Головкин Бруктің көз ұяшығын сындырып жібергені белгілі болды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай