Мексикалық боксшы Сауль Канело Альварестің бапкері қазақстандық Геннадий Головкинмен үшінші жекпе-жек өткізуге мүдделі екенін мәлімдеді, - деп хабарлайды Tengrinews.kz тілшісі Vesti.kz сайтына сілтеме жасап.
Эдди Рейносо Канелоның Головкинмен тағы бір жекпе-жек өткізуіне қарсы емес екенін растады.
"Жекпе-жек Мексикада болғанын қалаймын. Бұл жекпе-жекті Гвадалахарада немесе Мехикода өткізе аламыз. Головкин Канелоның есімін атаған жоқ, желтоқсанда Жапонияда Муратаға қарсы жекпе-жегі жоспарланған. Онда не болатынын көрейік, мүмкін (осыдан кейін) Канело - Головкиннің үшінші жекпе-жегін өткіземіз", - дейді жаттықтырушы Эдди Рейносо.
Бұған дейін IBF және IBO тұжырымдары бойынша орта салмақтағы әлем чемпионы қазақстандық Геннадий Головкин WBA супер чемпионы жапон Риота Муратамен жекпе-жекке келіскені хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
