+7 (777) 001 44 99
Қазақша
Русский
English
Мексикалық боксшы Сауль "Канело" Альварес (49-1-2, 34 КО) орта салмақта WBC, WBA (Super), IBF және IBO тұжырымдары бойынша әлем чемпионы қазақстандық Геннадий Головкинмен (37-0-1, 33 КО) екінші жекпе-жегінің қарсаңында тапсырған тағы екі допинг-сынағының нәтижесі белгілі болды, - деп хабарлайды Vesti.kz.
Los Angeles Times журналисі Лэнс Пагмайердің мәліметі бойынша, Альварестің 3 және 5 наурызда тапсырған допинг-сынағының нәтижесі кленбутеролдың және басқа да тыйым салынған заттардың болмағанын көрсетеді.
Еске сала кетейік, осыған дейін Альварестің допингпен ұсталғаны хабарланған болатын. Альварестің допинг-сынамасынан кленбутеролдың болмашы мөлшері табылған. Бұл препарат адамға бұлшықет массасын өсіруге және майды жоюға көмектеседі. Ал спорттан тыс бұл препарат жануарлардың массасын өсіруге арналған екен.
Кейінірек допинг-сынақтан өте алмаған Альваресті өмір бойына спорттан шеттету ұсынылған болатын. "Кленбутерол - жеңіл препарат емес, еттен келді дей алмайсың. Бұл Амстердамда қаныңнан марихуана шығып тұрса да, тәтті наннан деп ақталғандай күй. Препарат майды жойып, бұлшықет массасын өсіреді және демалуға көмектеседі. Мұны қасақана қабылдасаң, қатты зақым келмейді. Өмір бойына шеттету", - деп жазған еді ирландиялық боксшы Эрик ДонованTwitter желісінде.
Told by two officials that VADA tested @Canelo twice more on March 3 and 5 in Mexico and both results are preliminarily negative for clenbuterol or any banned substance.
— Lance Pugmire (@latimespugmire) 9 марта 2018 г.
