26 қараша 2014 | 10:32

Карл Фроч Головкинмен жұдырықтасуға дайын

Карл Фроч. Фото vesti.kz сайтынан алынған

WBA мен IBF тұжырымдары бойынша екінші орта салмақ дәрежесіндегі әлем чемпионы - ұлыбританиялық Карл Фроч (33-2, 24 КО) Геннадий Головкинмен жұдырықтасуға дайын екенін мәлімдеді, - деп хабарлайды Vesti.kz. Сонымен қатар ол отандасы Джеймс Дигейлға (20-1, 14 КО) қарсы міндетті қорғануды қолға алмайтынын айтты, себебі бұл жекпе-жектің коммерциялық пайдасы шамалы.

WBA мен IBF тұжырымдары бойынша екінші орта салмақ дәрежесіндегі әлем чемпионы - ұлыбританиялық Карл Фроч (33-2, 24 КО) Геннадий Головкинмен жұдырықтасуға дайын екенін мәлімдеді, - деп хабарлайды Vesti.kz. Сонымен қатар ол отандасы Джеймс Дигейлға (20-1, 14 КО) қарсы міндетті қорғануды қолға алмайтынын айтты, себебі бұл жекпе-жектің коммерциялық пайдасы шамалы.

"Бокс - ол бизнес. Мен Дигейлмен де, Головкинмен де, кіммен болса да жұдырықтасуға дайынмын. Мен ең мықты дегендермен кездесіп - оны дәлелдедім. Бүкіл карьерамда осы бетімнен қайтпадым және Дигейлмен кездесуді де проблема деп қарамаймын. Бірақ бокс - ол бизнес, сондықтан коммерциялық мүддесі болмаса, жекпе-жек өтпейді. Дигейлмен кездесуден коммерциялық табыс жоқ, демек жекпе-жек өтпейді. Егер ол тағы бірнеше рет жеңіске жетіп, жұртшылықтың назарына іліге бастаса, сонда ғана үлкен кездесу ұйымдастыруға болады", - деді ол.

Карл Фроч - ағылшынның екінші орта салмақ дәрежесіндегі кәсіпқой боксшысы. 2001 жылғы әуесқойлар арасындағы әлем чемпионатының қола жүлдегері. Екінші орта салмақ дәрежесіндегі әлем чемпионы.