+7 (777) 001 44 99
Қазақша
Русский
English
04 қазан 2018 | 12:47
Қазақстандық кәсіпқой боксшы чемпиондық белбеуге таласады
Қазақстандық кәсіпқой Мейірім Нұрсұлтанов (8-0, 7 КО) келесі жекпе-жегін 13 қазан Лас-Вегаста өткізеді, - деп хабарлайды Vesti.kz.
ПОДЕЛИТЬСЯ
Қазақстандық кәсіпқой Мейірім Нұрсұлтанов (8-0, 7 КО) келесі жекпе-жегін 13 қазан Лас-Вегаста өткізеді, - деп хабарлайды Vesti.kz.
BoxRec сайтының мәліметінше, 25 жастағы қазақстандықтың қарсыласы америкалық Джамар Фриман (15-6-2, 8 КО). Сегіз раундқа есептелген жекпе-жекке орта салмақтағы WBC жүйесіне кіретін NABF Junior белбеуі тігіледі (NABF - Солтүстік Американың бокс федерациясы).
Осылайша, Нұрсұлтанов үшін бұл алғашқы титулды жекпе-жек.
Қазақстандық боксшы соңғы рет 4 тамызда Атлантик-Ситиде өткен бокс кешінде жұдырықтасты. Бұл кештің басты оқиғасы WBO чемпионы ресейлік Сергей Ковалев (32-2-1, 28 КО) пен колумбиялық Элейдер Альвареспен (23-0, 11 КО) жұдырықтасуы еді.
Нұрсұлтанов - Батиста андеркартта жұдырықтасып, доминикандық боксшы нокдаунға түскеннен кейін сегіз раундқа есептелген жекпе-жекті жалғастырудан бас тартты. Осымен қазақстандық сегіз жекпе-жегінің сегізінде де жеңіске жетті, оның жетеуі нокаутпен.
Показать комментарии
Читайте также
