18 шілде 2019 12:53

Қазақстандық нокаутшы мексикалық экс-чемпионмен жұдырықтасады

ПОДЕЛИТЬСЯ

Батыр Жүкембаев. © facebook.com/eottmboxing Батыр Жүкембаев. © facebook.com/eottmboxing

Кәсіпқой бокста бірінші жартылай орта салмақта өнер көрсетіп жүрген қазақстандық Батыр Жүкембаев (16-0, 13 КО) келесі жекпе-жегін 26 қыркүйекте Канаданың Монреаль қаласында өткізеді, - деп хабарлайды Vesti.kz.


Кәсіпқой бокста бірінші жартылай орта салмақта өнер көрсетіп жүрген қазақстандық Батыр Жүкембаев (16-0, 13 КО) келесі жекпе-жегін 26 қыркүйекте Канаданың Монреаль қаласында өткізеді, - деп хабарлайды Vesti.kz.

BoxRec мәліметінше, қазақстандық 28 жастағы боксшы мексикалық 32 жастағы Мигель Васкеспен (41-8, 15 КО) жұдырықтасады. Ол 2010-2014 аралығында жеңіл салмақта IBF тұжырымы бойынша әлем чемпионы болған. Жекпе-жек - бірінші орта салмақта 10 раундтан тұрады.

Васкес соңғы рет шаршы алаңға 2018 жылы желтоқсанда шыққан. Сол кезде мексикалық боксшы жартылай орта салмақта IBO белбеуіне таласта мерзімінен бұрын жеңілген еді. 2017 жылы ол бірінші жартылай орта салмақта WBC Silver белбеуі үшін таласқан, алайда ол кезде де есе жіберді.

Жүкембаев туралы айтар болсақ, ол 18 мамырда Монреаль қаласында мексикалық Луис Хесус Видалесті (13-6, 6 КО) бірінші раундта нокаутқа түсірген еді.

Айта кетейік, 26 қыркүйекте өтетін бокс кешінде тағы үш қазақстандық спортшы өнер көрсетеді: Садриддин Ахмедов (9-0, 8 КО), Нұрзат Сабыров (10-0, 9 КО) және Аман Қазанғапов (0-0-1). Олардың қарсыластары кейін анықталады.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети