Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Кличконы "қызға" теңеген болгар боксшысы жеңіліске "тояр" емес

16 Қараша 2014, 15:35
0
Фото korrespondent.net сайтынан
Фото korrespondent.net сайтынан

 Болгария боксшысы Кубрат Пулев WBA, WBO, IBF және IBO тұжырымдары бойынша ең ауыр салмақтағы әлем чемпионы, украин Владимир Кличкодан жеңіліп қалған соң, қарсыласының тек жолы болып, бағы жанды деп санайтындығын білдірді, деп жазады Vesti.kz. Әрі Украина боксшысымен қарымта кездесу болатындығына сенім білдірген.

"Владимир - тамаша қарсылас, бірақ оның жолы болды. Мен онымен рингте тағы да кездескім келеді. Келесі жолы мен жеңемін", - депті болгар боксшысы. Пулев сондай-ақ Владимир Кличконы "дөрекі әдістер қолданып, спортқа сай келмейтін қылықтар көрсетті" деп жазғырған.

Бұған дейін Владимир Кличко өз атақтарын абыоймен қорғап, болгар боксшысы Кубрат Пулевті нокаутпен жеңді деп хабарланған. 38 жастағы Владимир Кличко 33 жастағы Кубрат Пулевті бесінші раундта нокаутқа түсірді. Бірінші раунда болгар боксшысы Кличконың сол қолымен ұрған пәрменді хуктарына төтеп бере алмай, екі рет нокдаун алды. Содан соң үшінші раундта еденге сұлап та түсті. Бесінші раундта Пулев шабуылдап, бірнеше соққысы діттеген жеріне дәл тигізген де еді. Алайда іле-шала Кличко оны сол қолымен шиіре ұрып (хук), жойқын соққысымен сұлатып салды.

Айта кетейік, осы кездесу алдындағы баспасөз жиынында Пулевті өз командасымен бірге өткізбеген еді. Сол үшін ол Кличконың атына біраз ауыр сөзде айтқан болатын. "Онда чемпион болу үшін не қажетті, соның бәрі бар, бірақ онда батылдық жоқ. Ол қыз сияқты", - деген-ді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай