31 мамыр 2017 | 09:27

Ковалев Головкиннің Альвареспен қалай спарринг өткізгені жайлы айтып берді

Ардақ Құлтаев

Жартылай ауыр салмақта әлемнің бұрынғы чемпионы Сергей Ковалев (30-1-1, 26 КО) қазақстандық боксшы Геннадий Головкин (37-0, 33 КО) мен мексикалық Сауль "Канело" Альварестің (49-1-1, 34 КО) спаррингі жайлы кейбір мән-жайды айтып берді.

Жартылай ауыр салмақта әлемнің бұрынғы чемпионы Сергей Ковалев (30-1-1, 26 КО) қазақстандық боксшы Геннадий Головкин (37-0, 33 КО) мен мексикалық Сауль "Канело" Альварестің (49-1-1, 34 КО) спаррингі жайлы кейбір мән-жайды айтып берді.

"Мен олардың Big Bear лагеріндегі спаррингін көргенмін. Өте қызық болды, тамаша жекпе-жек болды. "Канело" қарымта соққылар жасаса, Головкин оған қысым түсірумен болды. Алайда "Канело" өте жас болды, тинейджер сияқты. Енді ол есейді, күш келді. Бұл оған Геннадиймен жұдырықтасқанында қажет болады", - деді Ковалев FightHype.com басылымына берген сұхбатында.

Осыған дейін ресейлік боксшы 16 қыркүйекте өтетін Головкин - "Канело" жекпе-жегіне болжам жасаған еді. Айтуынша, өз досы Головкинге сенетінін және жеңіске жеткенін қалайтынын айтқан болатын.

Еске салайық, Головкин мен Альварес 2011 жылдың мамырында Big Bear лагерінде спарринг өткізген еді. Сол уақытта мексикалық бар болғаны 21 жаста еді.

Головкин-Альварес Головкин Геннадий Бокс

TENGRI travel