+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Геннадий Головкин көше стилінде жұдырықтасқан ұнайтынын мәлімдеді. Канадалық Лемьемен болатын жекпе-жекте ол осы бағытынан айнымайтынын айтты. Бұл туралы Vesti.kz жазды.
Геннадий Головкин көше стилінде жұдырықтасқан ұнайтынын мәлімдеді. Канадалық Лемьемен болатын жекпе-жекте ол осы бағытынан айнымайтынын айтты. Бұл туралы Vesti.kz жазды.
"Бұл үлкен жекпе-жек болады. Мұның көрермендерге үлкен сый болары анық. Бокс - ойын емес. Алдағы жекпе-жекте кімнің нағыз чемпион екенін білеміз. Өзімді сынап көру мен үшін өте маңызды. Бұл шайқас менің жаңа тарихымның басы болады. Бұл - біріктірілген алғашқы ақылы жекпе-жек. Маған шайқасқан ұнайды, әрқашан қарсыласымды нокаутқа түсіруге ұмтыламын", - деді Головкин.
Головкин өзін "ескі мектептің" боксшысымын деп есептейтінін айтты. "Сол себепті бұл нағыз шайқас болады. Кезінде Марвин Хаглер, Томми Хирнс және Шугар Рэй Леонардтар осылай жұдырықтасқан, - деді ол. - Стиль туралы айтар болсақ, Мейвезердің стилі компьютер ойынындағыдай. Оны бәрі біледі. Ал менің стилім көше төбелесіне ұқсайды, өте шынайы. Майк Тайсонның стилі сондай болған".
Айта кетейік, екі боксшы арасындағы кездесу 17 қазанда Madison Square Garden аренасында өтеді. Астана уақыты бойынша жекпе-жек жексенбі, 18 қазан күні таңертең басталады. "Қазақстан" телеарнасы таңғы сағат 7:55-тен бастап кездесуді тікелей трансляциялайды.
