Мейірім Нұрсұлтанов кезекті жеңісіне қол жеткізді

Қазақстандық боксшы Мейірім Нұрсұлтанов кезекті жеңісіне қол жеткізді, - деп хабарлайды Tengrinews.kz тілшісі.

Нұрсұлтанов Екатеринбургте ресейлік Илья Баландинмен жұдырықтасқан. Орта салмақтағы кездесу 8 раундқа жоспарланған. Қазақстандық боксшы жекпе-жекті бақылауында ұстап, төрешілердің бірауыздан шешімімен жеңіске жетті. 

Осылайша, Нұрсұлтанов карьерасында 14-ші жеңісіне қол жеткізді, оның сегізін нокаутпен тәмамдаған.

Ал Илья Баландин тоғызыншы жекпе-жегінде төртінші рет жеңілді. Одан бөлек карьерасында төрт рет жеңіске жетіп, бір мәрте тең түскен.

Айта кетейік, Мейірім Нұрсұлтанов бұған дейінгі жекпе-жегінде WCB тұжырымы бойынша АҚШ чемпионы атанған болатын. Бірақ бұл титул Баландинге қарсы кездесуде сарапқа салынбады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!