+7 (777) 001 44 99
Қазақша
Русский
English
Төрт салмақ дәрежесінде бұрынғы әлем чемпионы Мигель Котто кәсіпқой бокстағы ең соңғы кездесуінде Садам Алиден жеңіліп қалуына байланысты пікір білдірді.
"Менің ақталғым келмейді. Садам жеңді, бұл менің спорттағы мансабымдағы ең соңғы кездесу болатын. Менің жағдайым жақсы, мен өз отбасыммен бақытты өмір кешкім келеді. Барлық жанкүйерлерге рақметімді айтамын. Madison Square Garden аренасын өзімнің екінші үйім деп айта алатыныма әбден қуаныштымын. Спорттың арқасында мен отбасымды барлық жағдаймен қамтамасыз еттім", - деді пуэрторикалық боксшы BoxingScene порталына берген сұхбатында.
Еске салайық, Котто Алиден төрешілердің бірауыздан шығарған шешімі бойынша жеңілді. Кездесу Нью-Йорк қаласындағы Madison Square Garden аренасында өтті. Жеңіске жеткен Садам Али бірінші орта салмақтағы WBO белбеуінің жаңа иегері атанды.
Котто - Али жекпе-жегінің ең үздік сәттерінен видео үзінділер ұсынамыз:
