+7 (777) 001 44 99
Қазақша
Русский
English
13 қаңтар 2022 | 12:06
Муратаның командасы Головкинге қарсы жекпе-жек қашан өтетінін хабарлады
WBA тұжырымы бойынша "суперчемпион" Риота Муратаның (16-2, 13 КО) өкілі Акихико Хонда IBF және IBO чемпионы Геннадий Головкинге (41-1-1, 36 КО) қарсы жекпе-жек қашан өтетінін мәлімдеді, - деп хабарлайды Tengrinews.kz тілшісі Vesti.kz сайтына сілтеме жасап.
ПОДЕЛИТЬСЯ
WBA тұжырымы бойынша "суперчемпион" Риота Муратаның (16-2, 13 КО) өкілі Акихико Хонда IBF және IBO чемпионы Геннадий Головкинге (41-1-1, 36 КО) қарсы жекпе-жек қашан өтетінін мәлімдеді, - деп хабарлайды Tengrinews.kz тілшісі Vesti.kz сайтына сілтеме жасап.
"Головкиннің командасы Жапониядағы жағдаймен жақсы таныс. Алдағы уақытта керемет бокс кешін ұйымдастырып, сәуірде қос алып рингте қолғап түйістіреді деп сенеміз. Муратаның Лондон Олимпиадасында орта салмақта чемпион атанғанына 10 жыл болды. Олимпиада "алтынының" беделі жоғары екені рас. Дегенмен ол әлі де белсенді. Риота маған Геннадиймен ертерек айқас ұйымдастыруды сұрады", - дейді Хонда nikkansports.com сайтына берген сұхбатында.
Бастапқыда жапон тарапы кейінге қалдырылған жекпе-жекті ақпанда өткізуді жоспарлаған. Алайда сәуірге дейін күтуді жөн көрген. Өйткені коронавирусқа байланысты шетел азаматтарына елге кіруге қашан рұқсат беретінін белгісіз. Сонымен қатар, yahoo.co.jp сайты мәліметінше, Головкиннің командасы бұл шешімді қолдап, Жапонияға барғанда оқшаулануға келіскен.
Еске салайық, Головкин мен Риота арасындағы жекпе-жек былтыр желтоқсанда Токио төрінде өтуі тиіс еді. Алайда күншығыс елінде коронавирус өршіп кеткеніне байланысты кездесу кейінге шегерілген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
