Ресейлік UFC чемпионы Хабиб Нурмагомедов америкалық боксшы Форйл Мейвезермен Лас-Вегаста жекпе-жекке шығудан бас тартты, - деп хабарлайды Tengrinews.kz тілшісі.
Бұл туралы Instagram желісінде жазды.
"Тек Лас-Вегаста емес. Олар менің ақшамды бермейді", - деп жазды Нурмагомедов.
Еске салайық, мұның алдында жеңіл салмақ дәрежесіндегі UFC чемпион ресейлік Хабиб Нурмагомедов салмағына қарамастан америкалық үздік боксшы кіші-Флойд Мейвезерді жекпе-жекке шақырған еді.
"Флойд, алға! Мен жекпе-жекке шығуға дайынмын: 50-0 қарсы 27-0. Екеуміз де жеңіліп көрмегенбіз. Неге бірге шықпасқа? Джунглиде тек бір патша бар, ол - мен, себебі мен Конорды оңай жеңдім, ал ол жоқ", - деді Нурмагомедов Instagram әлеуметтік желісіндегі парақшасында.
