+7 (777) 001 44 99
Қазақша
Русский
English
Орта салмақта IBF және IBO чемпионы Геннадий Головкиннің (41-1-1, 36 КО) промоутері Том Леффлер қазақстандық боксшы рингке қашан оралатынын айтып, GGG-дің мексикалық Сауль "Канело" Альвареске (54-1-2, 36 КО) қарсы үшінші жекпе-жегі туралы пікірін бөлісті, - деп хабарлайды Vesti.kz.
Оның айтуынша, Головкиннің келесі жекпе-жегі маусымда өтуі мүмкін. Алайда нақты күні немесе қарсыласы туралы шешім жасалмаған.
Сондай-ақ, Леффлер Головкин "Канеломен" трилогия өткізу үшін екінші орта салмаққа көтерілуге дайын екенін айтты.
Сонымен бірге, промоутер мексикалық Хайме Мунгиямен келіссөзге қатысты нақты жауап бермей, тек бұл жекпе-жектің қазір қызық боларын атап өтті. Леффлер Токиода WBA (Super) чемпионы Риота Муратамен кездесуді де қызық жекпе-жек деп санайды.
Еске салайық, Головкин кейінгі жекпе-жегін желтоқсанда АҚШ-та өткізіп, поляк Камил Шереметаны (21-1, 5 КО) нокаутқа түсірген. Сол кездесуде GGG әлем чемпионы титулдарын 21-рет қорғап, рекорд орнатқан еді.
Трилогияға келер болсақ, Головкин - "Канело" арасындағы екі жекпе-жек орта дивизион аясында өткен - біріншісінде боксшылар тең түссе, екіншісінде төрешілер жеңісті мексикалыққа берген болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
