+7 (777) 001 44 99
Қазақша
Русский
English
Бокстан Гамбургте өтіп жатқан әлем чемпионатында 56 келіге дейінгі салмақта Қайрат Ералиев жартылай финалға шықты. Отандасымыз жартылай финалда британдық Питер МакГрейлді жеңді, - деп хабарлайды Vesti.kz.
Жекпе-жекті екі боксшы ширақ бастады. Жылдам шабуылға шығып, соққыларын дөп тигізуге асықты. Қайрат қарсыласының жұдырығынан жылдам сытылып шығып, өз соққыларын тура тигізген сәттері көп болды. Британдық боксшы алға ұмтыла түсіп, белсенділік танытуға тырысқанмен қазақ боксшысының қарымы жоғары екені айқын байқалды.
Отандасымыз финалда Гаурав Бидхури (Үндістан) - Дюк Раган (АҚШ) арасындағы кездесудің жеңімпазымен жолығады.
Айта кетейік, осыған дейін 49 келіге дейінгі салмақта Жомарт Ержан кубалық боксшы Йоаннас Аргилагосқа жол беріп, әлем чемпионатының қола жүлдегері атанған болатын.
