"Қазақстан" Ұлттық телеарнасы қазақстандық боксшы Қанат Исламның жекпе-жегін тікелей эфирде көрсетеді, - деп хабарлайды Vesti.kz РТРК баспасөз қымзетіне сілтеме жасап.
Ислам кәсіпқой бокстағы 21-ші кездесуін өткізгелі отыр. Бұл жолы оның қарсыласы колумбиялық Хуан Де Анхель болмақ. Екі боксшының кездесуі АҚШ-та өтеді. Ұлттық арнадағы трансляция 9 мамыр күні таңертең 07.00-де басталады.
Еске салайық, Қанат 2012 жылдан бері кәсіпқой бокста өнер көрсетіп келеді. Ол осыған дейін өткізген 20 жекпе-жегінде жеңіске жетіп, оның он жетісін нокаутпен аяқтады.
