Қазақстандық кәсіпқой боксшы Али Ахмедов Әзірбайжаннан келген Али Маммедовты бірінші раундта жеңіп шықты, - деп хабарлайды Мassaget.kz. Отандасымыздың жойқын соққыларынан кейін қарсылас боксшының жаттықтырушылары ортаға орамал тастады.
6 раундқа жоспарланған жекпе-жек бар болғаны 44 секундқа ғана созылды.
Айта кетейік, қазақстандық боксшы Али Ахмедов 24 қыркүйек күні ғана жекпе-жек өткізген болатын. Алматыдағы Балуан Шолақ спорт кешенінде өткен жарыста отандасымыз грузин Минди Нозадзені жекпе-жектің 39 секундында-ақ жеңген еді.
Бокс кешінің андеркарттық кездесулеріндегі үш жекпе-жектің үшеуі қазақстандық боксшылардың пайдасына шешілді.
