"Құлайсың". Альварестің промоутері Головкинге ескерту жасады

Айдос Қосыбаев

Альварес, Де Ла Хойя және Головкин. © Erik Verduzco/ Las Vegas Review-Journal

Golden Boy Promotions промоутерлік компаниясыны? ??рылтайшысы Оскар Де Ла Хойя орта салма?та WBA (Super), IBO, WBC ж?не IBF т?жырымдары бойынша ?лем чемпионы ?аза?станды? боксшы Геннадий Головкинге Сауль "Канело" Альвареспен ?тетін жекпе-жек алдында ескерту жасады, - деп хабарлайды Vesti.kz.

Golden Boy Promotions промоутерлік компаниясының құрылтайшысы Оскар Де Ла Хойя орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинге Сауль "Канело" Альвареспен өтетін жекпе-жек алдында ескерту жасады, - деп хабарлайды Vesti.kz.

Де Ла Хойя өз үндеуінде 5 мамырда Лас-Вегаста жоспарланған екінші кездесудің "Альварес ісіне" қарамастан міндетті түрде өтетінін айтты. Сондай-ақ, промоутер қазақстандық боксшының нокаутқа түсетінін болжады.

"Triple G, Синко де Майо. Жекпе-жек өтеді. Сен құлайсың. Сен осыны білемісің?", - деді промоутер Instagram желісіндегі парақшасында жарияланған видеода. Сонымен қатар, ол Головкинге арналған ескертуінде going down сөзін пайдаланды.

Айта кетейік, 5 мамырға белгіленген Головкин - Альварес арасындағы реванш матч Лас-Вегаста T-Mobile аренасында өтеді.

Еске салайық, Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.