Орта салмақтағы IBF нұсқасы бойынша әлем чемпионы, ұлыбританиялық Келл Брук (36-0, 25 КО) жұрттың оны орта салмақтағы WBA (Super), IBO, WBC және IBF сериялары бойынша әлем чемпионы Геннадий Головкинмен (35-0, 32 КО) өтетін жекпе-жекке бір күн қалғанда көрсететін салмақ дәрежесіне таңғалатынын мәлімдеді, - деп хабарлайды vRINGe.com.
"Сіздер жекпе-жекке бір күн қалғанда алдын ала салмақ өлшемін көрдіңіздер: мен әрең дегенде лимитке кірдім, - деп келтіреді Бруктың сөзін BoxingScene басылымы. - Өздеріңіз түсініп отырған шығарсыздар, мен салмақ қосып жатқан жоқпын, керісінше салмақ түсіріп жатырмын. Жұрт менің жекпе-жекке бір күн қалған кезде көрсеткен салмағымды көріп, естері шығады. Жұрт менің еңгезердей екенімді көріп, таңғалады. Иә, мен әлі орта салмақта жұдырықтасқан жоқпын, бірақ мен мұны әдеттегі жекпе-жектердің бірі екенін білемін".
Еске салайық, Головкин - Брук кездесуі 10 қыркүйекте Лондонда 20 мың орындық О2 аренасында өтеді. Қазақстан және Kazsport арнаары тікелей эфирден көрсетеді. Көрсетілім Астана уақытымен 23:00-де басталады.