07 қараша 2021 | 10:53

Сауль Альварес Калеб Плантты жеңіп, абсолют әлем чемпионы атанды

Фото: Matchroom Boxing

31 жастағы мексикалық боксшы Сауль "Канело" Альварес супер орта салмақтағы абсолют әлем чемпионы атанды, - деп хабарлайды Tengrinews.kz тілшісі Vesti.kz сайтына сілтеме жасап.

31 жастағы мексикалық боксшы Сауль "Канело" Альварес супер орта салмақтағы абсолют әлем чемпионы атанды, - деп хабарлайды Tengrinews.kz тілшісі Vesti.kz сайтына сілтеме жасап.

Жалғасы

■

Абсолют чемпиондыққа талас: Альварес - Плант жекпе-жегінің толық видеосы жарияланды

07 қараша 2021, 17:05

Ол бүгін, 7 қарашада Лас-Вегаста (Невада, АҚШ) MGM Grand аренасында 29 жастағы америкалық Калеб Плантпен жекпе-жек өткізді. Олар "Канелоның" WBA, WBC және WBO чемпиондық белбеулері мен Планттың IBF титулдары үшін жұдырықтасты.

12 раундтық жекпе-жек соңына дейін жетпеді. Альварес бірінші раундтан бастап үстемдік етті. 11-раундта ол алдымен нокдаун жасап, кейін америкалық боксшыны нокаутқа түсірді.

Айта кетейік, Альварес қатарынан сегізінші жекпе-жегінде жеңіп отыр. Ол соңғы рет 2017 жылдың қыркүйегінде қазақстандық Геннадий Головкинмен (41-1-1, 36 КО) алғашқы жекпе-жегін тең өткізген кезде рингтен жеңіссіз қайтқан. Бұл мексикалықтың карьерасындағы 57-жеңіс, 39-шы мерзімінен бұрынғы жеңіс. Ал План алғаш рет жеңіліс тауып отыр. Оның қанжығасында 21 жеңіс бар.

Айта кетейік, "Канело" жекпе-жек алдында GGG 76,2 келіге дейінгі супер орташа салмаққа көтерілсе, онымен үшінші жекпе-жек өткізуге дайын екенін мәлімдеген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Сауль "Канело" Альварес жекпе-жек Бокс