Екінші орта салмақта WBC және WBA тұжырымдары бойынша әлем чемпионы мексикалық Сауль "Канело" Альварес (54-1-2, 36 КО) пен осы дивизиондағы WBO белбеуінің иегері ұлыбританиялық Билли Джо Сондерс (30-0, 14 KO) жекпе-жек өткізеді. Бұл туралы танымал америкалық журналист және инсайдер Майк Коппинджер мәлімдеді, - деп хабарлайды Vesti.kz.
Оның айтуынша, тараптар келісімге келіп үлгерген. Бәске үш титул да тігіледі. Жекпе-жек АҚШ-та өтеді. Алдын ала мәлімет бойынша, кездесу 1 немесе 8 мамырға жоспарланған.
SOURCES: Canelo Alvarez and Billy Joe Saunders have agreed to a deal for a May fight on DAZN. Three 168-pound titles up for grabs. Fight will land in U.S., on May 1 or May 8. First, Canelo will have to beat Avni Yildirim on Feb. 27 and emerge uninjured https://t.co/n2By2duTga
— Mike Coppinger (@MikeCoppinger) January 28, 2021
Бірақ алдымен "Канело" 27 ақпанда WBC желісі бойынша міндетті қарсыласы түркиялық Авни Йылдырымға (21-2,1 2 KO) қарсы кездесуде титулдарын қорғап, жарақат алмауы керек.
Бұған дейін Альварес қазақстандық Геннадий Головкиннің (41-1-1, 36 КО) промоутері саналатын Matchroom Boxing басшысы ұлыбританиялық Эдди Хирнмен екі жекпе-жекке келісімшарт жасасқан болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
