+7 (777) 001 44 99
Қазақша
Русский
English
Орта салмақта WBA (Super), IBO, IBF және WBC тұжырымдары бойынша әлем чемпионы Геннадий Головкин (37-0, 33 КО) WBО чемпионы британиялық Билли Джо Сондерске (24-0, 12 КО) қарсы жекпе-жекті Қазақстанда өткізуге ниетті екенін айтты, - деп хабарлайды Vesti.kz.
Джейкобсқа қарсы жекпе-жектен соң Головкин кез келген боксшымен, соның ішінде Сондерспен жұдырықтасуға дайын екенін жеткізді. Басты себеп - чемпиондық белбеу мен шоу. WBO чемпионы жауапты ұзақ күттірген жоқ.
"Барлық белбеулердің иесі атану жолындағы соңғы қарсыласым - Сондерс. Бұл жекпе-жек Қазақстанда өтеді деген үміттемін. Келесі жекпе-жекте Сондерспен жұдырықтасқым келеді деп жүз пайызға сенімді болып айта аламын", - дейді Головкин
34-жастағы Головкин WBC, WBA (Super), IBF және IBO белбеулерінің иесі. Абсолютті әлем чемпионы атағын иелену үшін 27-жастағы Сондерстің WBO белбеуі ғана жетпейді.
Еске салайық, қазақстандық боксшы бүгін, 19 наурызда Нью-Йоркте америкалық Дэниэл Джейкобсты ұпай айырмасымен жеңген болатын.
"Қазақстан" телеарнасында Головкиннің жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Таяуда қазақстандық тарап WBC президенті Маурисио Сулейманмен кездеседі екен.
