+7 (777) 001 44 99
Қазақша
Русский
English
ESPN телеарнасының сарапшысы Фернандо Барбоза Геннадий Головкиннің мексикалық Сауль Альварестен жеңілуіне қатысты пікір білдірді, - деп хабарлайды Vesti.kz.
"Көпшілік Головкиннің жеңісін көрді. Мен үшін жекпе-жек 8:4 есебімен GGG-дің пайдасына шешілді. Негізінде бұл жақын қашықтықтағы тамаша жекпе-жек болды, бірақ "Канело" жеңді деуге еш келмейді. Соққылардың әсері мықты болды деушілер тек Головкиннің бет әлпетіне қарап айтып жатыр. Мен оның беті мексикалыққа қарағанда қаттырақ көгергенінен ешқандай мәселе көріп тұрғаным жоқ. Бокста жеңімпаз жарақат саны бойынша анықталмайды. Бұл көрсеткіш емес", - деді маман.
"Головкин екі кездесуде де мықты болды. "Екінші кездесуде "Канело" тең түсуге жақындады. Бұл олардың үшінші кездесуінің алдындағы ең әділ шешім болар еді. Қос боксшы міндетті түрде шаршы алаңда қайта жолығатынына сенімдімін", - деді Барбоза.
Айта кетейік, 15 желтоқсанда Лас-Вегаста Геннадий Головкин төрешілер шешімі бойынша Сауль "Канело" Альварестен жеңілді. Мексикалық боксшы қазақстандықтың WBC, WBA (Super) және IBO белбеулерін тартып алды. Екінші кездесуден соң Головкин де Альварес те үшінші рет шаршы алаңда кездесу өткізуге дайын екендерін мәлімдеді.
