+7 (777) 001 44 99
Қазақша
Русский
English
Бүкіләлемдік бокс кеңесінің (WBC) президенті Маурисио Сулейман қазақстандық Геннадий Головкин мен мексикалық Сауль "Канело" Альварестің реваншын өткізуге болатын қолайлы жерді атады, - деп хабарлайды Vesti.kz BoxingScene.com басылымына сілтеме жасап.
Басылымның мәліметінше, WBC президенті жекпе-жектің Мехикода болғанын қалайды. Айта кетейік, жақында Головкин WBC аясында өткен бірнеше қайырымдылық акциясына қатысу үшін Мексика астанасына барып қайтқан болатын.
"Менің ойымша, Mexico City Arena осы жекпе-жекті өткізуге жақсы орын болар еді", - деді Маурисио Сулейман.
Еске сала кетейік, боксшылар осыған дейін 16 қыркүйекте Лас-Вегаста кездескен болатын. Ол кезде Головкин мексикалық Сауль "Канело" Альвареспен тең түскен еді.
