+7 (777) 001 44 99
Қазақша
Русский
English
16 шілдеде Стамбул қаласында Дүниежүзілік бокс сериясының жеребе тарту рәсімі болып өтті, - деп хабарлайды Tengrinews.kz Vesti.kz ақпарат құралына сілтеме жасап. WSB-тің бесінші маусымы бойынша "Астана Арланс" боксшыларының қарсыластары анықталды.
Жеребе тарту қортындыс бойынша "Астана Арланс" боксшылары "В" тобында өнер көрсететін болды. Олармен қатар бұл топта Argentina Condors (Аргентина), Venezuela (Венесуэла), USA KnocKouts (АҚШ), Italia Thunder (Италия), Azerbaijan Baku Fires (Әзірбайжан), Poland Hussars (Польша) командалары бар. Тағы бір команда кейінірек белгілі болады.
Естеріңізге сала кетсек, төртінші маусымда Cuba Domadore боксшылары Әзірбайжанның Baku Fires командасын жеңген болатын. Бұған дейін хабарланғандай, қазақстандық "Астана Арланс" бокс клубы жартылай финалда Baku Fires командасынан 6:4 қортынды есебімен ұтылып,WSB финалына өте алмаған. Өз алаңында 4:1 есебімен жеңген боксшыларымыз қарымта кездесуді 5:0 есебімен жеңіліп қалған еді.
