+7 (777) 001 44 99
Қазақша
Русский
English
Жартылай орта салмақта жұдырықтасатын қазақстандық Нұрсұлтан Жаңабаев (7-0, 5 КО) аустралиялық Стив Гагоны (11-0, 4 КО) жеңіп, WBA Inter-Continental, WBO Oriental және IBF Pan Pacific белбеулерін иеленді, - деп хабарлайды Vesti.kz.
Он раундқа есептелген жекпе-жек 14 тамызда Сиднейдегі ICC Exhibition Centre аренасында өткен. Нұрсұлтан Жаңабаев қарсыласын төрешілер шешімімен жеңді.
Осылайша, 26 жастағы қазақстандық боксшы сегіз жекпе-жегінің барлығында жеңіске жетті (бесеуі нокаут).
Айта кетсек, Жаңабаев Аустралияда алғаш рет жұдырықтасты - бұған дейін ол Қазақстан мен Қытайда екі реттен және Ресейде үш жекпе-жек өткізген.
Жаңабаевтан кейін рингке тағы бір қазақстандық боксшы - Айдос Ербосынұлы (11-0, 8 КО) шығады. Оның қарсыласы аустралиялық Рокки Джеркич (17-1, 13 КО). Он раундтан тұратын бұл жекпе-жекке екінші орта салмақтағы WBA International белбеуі тігіледі.
