+7 (777) 001 44 99
Қазақша
Русский
English
Биыл қаңтарда жылжымайтын мүлікті сату-сатып алу көлемі 10,3 мың болып, 2015 жылғы осы кезеңмен салыстырғанда 10 пайызға қысқарды, - деп хабарлайды Ranking.kz. Жылжымайтын мүлікті сату-сатып алу бойынша келісім саны Алматы мен Маңғыстау облысында ғана өскен.
Сонымен қатар, жылдың басында жаңадан салынған баспананың шаршы метрінің бағасы 260,7 мыңға, ал пайдаланылған баспананың шаршы метрінің бағасы 196 мыңға дейін өскен. Жаңадан салынған және қолданылған баспана бағасының айырмасы өскені де белгілі болды. Қаңтарда жаңа баспана мен пайдаланылған пәтер бағасының айырмасы 33 пайызға дейін өскен, былтыр осы кезеңде бұл көрсеткіш 28 пайыз болыпты.
Жаңа баспана бағасының күрт өсуі Шымкентте (+61,6 пайыз), Павлодарда (+49,7 пайыз) және Атырауда (+40,5 пайыз) байқалды. Петропавл (-4 пайыз), Ақтөбе (-2,5 пайыз), Орал (-0,4 пайыз) және Қостанайда (-0,4 пайыз) жаңа пәтерлердің бағасы аздап түсті.
