+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚР премьер-министрі Асқар Маминнің төрағалығымен өткен Үкімет отырысында халықтың аз қамтылған тобын, сонымен қатар жұмыс істейтін жастарды баспанамен қамту шаралары туралы ҚР индустрия және инфрақұрылымдық даму министрі Роман Скляр баяндады, - деп хабарлайды Тengrinews.kz тілшісі Үкімет баспасөз қызметіне сілтеме жасап.
ҚР премьер-министрі Асқар Маминнің төрағалығымен өткен Үкімет отырысында халықтың аз қамтылған тобын, сонымен қатар жұмыс істейтін жастарды баспанамен қамту шаралары туралы ҚР индустрия және инфрақұрылымдық даму министрі Роман Скляр баяндады, - деп хабарлайды Тengrinews.kz тілшісі Үкімет баспасөз қызметіне сілтеме жасап.
ҚР ИИДМ деректері бойынша, "Нұрлы жер" бағдарламасының аясында көпбалалы отбасылар үшін тұрғын үй сатып алуға және салуға қаржы қарастырылды. Республикалық бюджеттен жылына 2 миллиард теңге бөлу жоспарлануда немесе 7 жылда 150 млрд теңгені құрайды. Жыл сайын тұрғын үймен 6 мың көпбалалы отбасы қамтамасыз етілетін болады. 7 жылда 40 мың отбасы. Осы жылдың мамыр айынан бастап 1480 көпбалалы отбасыға баспана берілді.
Нұр-Сұлтан, Алматы, Шымкент қалаларындағы жұмыс жасайтын жастардың еңбек мобильділігін қамтамасыз ету үшін 2019-2021 жылдары жылына 1 мың жалдамалы пәтерлердің құрылысы жоспарланған.
"Мемлекет басшысының тапсырмасына сәйкес жұмыс жасайтын жастар үшін жалдамалы тұрғын үйлерді сатып алуға және салуға қаржыландыру көлемі ұлғаюда. Бұл бізге жұмыс жасайтын жастарға 2019, 2020 және 2021 жылдары 3 мың жалдамалы пәтерден беруге мүмкіндік береді", - деді Роман Скляр.
ҚР Тұрғын үй құрылыс жинақ банкі көпбалалы, толық емес отбасыларға және мүгедек балалары бар отбасыларға тұрғын үй алуға жылдық 2%-бен 10% алғашқы жарнамен жеңілдетілген несие беруді бастады. Бұл мақсаттарға үш жыл ішінде 150 млрд теңге бөлу қарастырылған. Жыл сайын әлеуметтік көмекпен 6 мың отбасы қамылатын болады.
ҚР Ұлттық банкімен бірге жалдамалы тұрғын үйді дамытуға жеке инвесторларды тарту тетігі әзірленуде, осының есебінен қосымша 10 мың жалдамалы пәтер салуға мүмкіндік береді және жылына 20 мың отбасыны баспанамен қамтамасыз етеді.
Әлеуметтік тұрғын үйді үйлестіру тетігін жетілдіру және бұл процесстердің айқындылығын жоғарылату бойынша жұмыстар жүргізіліп жатыр. Бұл үшін Бірыңғай республикалық автоматтандырылған кезекте тұрушылардың базасы құрылуда. Азаматтар өз кезектерінің жылжуын онлайн режимде қадағай алады.
"Жалпы қабылданып отырған шаралар тұрғын үйге мұқтаж азаматтардың мәселесін қысқа мерзімде шешуге мүмкіндік береді. Мемлекет басшысының барлық тапсырмалары уақытылы және толық орындалатын болады", - деді министр.
