"Самұрық-Қазына" қорының өз құрылыс компаниясы болмайды - Палымбетов

08 Сәуір 2015, 10:57
0
"Самұрық-Қазына" қорының өз құрылыс компаниясы болмайды - Палымбетов - “Профессиональный разговор” бағдарламасының студиясында.
“Профессиональный разговор” бағдарламасының студиясында.

"Самұрық-Қазына" жылжымайтын мүлік қорының қызметіне қатысты сұрақтар Жаннат Ертілесованың “Профессиональный разговор” бағдарламасының эфирінде Қордың басқарма төрағасы Болат Палымбетовпен талқыланды, - деп хабарлайды Тengrinews.kz.

"Біздің негізгі міндетіміз - баспананы тұрғызып, нарықтағыдан төмен бағада беру", - деді бағдарлама қонағы. 

"Самұрық-Қазына" жылжымайтын мүлік қорының басқарма төрағасы Болат Палымбетовтің айтуынша, жылжымайтын мүлік нысандары қазір әртүрлі классқа бөлінеді: элит, бизнес және эконом. "Бизнес пен эконом класстағы баспаналардың бағасы теңесіп қалды, дегенмен эконом класстағы баспананың бағасы 30 пайызға төмен болуы тиіс. "Самұрық-Қазына" жылжымайтын мүлік қоры нарыққа келіп баспана бағасын түсіріп жатыр", - деді ол.

"Біз девелоперлік компаниямыз және тапсырыстарды жекеменшік компанияларға береміз. Эконом-класс құрылыс нарығында мұндай жүйе жоқ. Сонымен қатар, өз құрылыс компаниямызды ашу туралы әңгіме болмайды", - деп хабарлады "Самұрық-Қазына" жылжымайтын мүлік қорының басқарма төрағасы Болат Палымбетов. 

Бағдарлама қонағының айтуынша, бүгінгі таңда салынып жатқан нысандар құрылыс нормалары мен кеңестік ережелер бойынша тұрғызылуда, бірақ оларды еуропалық стандартқа көшіру қажет. "Оларды қалайда енгізу керек, сондықтан біз "Жасыл кварталды" бірінші болып тұрғыза бастадық. Бұлар жасыл технология есебімен тұрғызылған тұңғыш үйлер болады. Сол нысандарға халықаралық экологиялық төлқұжат алғымыз келіп отыр", - деді бағдарлама қонағы.

"Жасыл квартал" құрылысы - құрылыс саласына жаңа технологияны қолдану арқылы инновацияны енгізу", - деді "Самұрық-Қазына" жылжымайтын мүлік қорының басқарма төрағасы.

Бұл туралы толығырақ және "Самұрық-Қазына" жылжымайтын мүлік қорының "Қолжетімді баспана - 2020" бағдарлама бойынша тарататын баспаналарының ерекшеліктері туралы бүгін, сағат 20.30-да СТВ телеарнасынан Жаннат Ертілесованың “Профессиональный разговор” бағдарламасының эфирінде Қордың басқарма төрағасы Болат Палымбетовпен болатын сұхбаттан тыңдап, көре аласыздар.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай