+7 (777) 001 44 99
Қазақша
Русский
English
Қазақша
Русский
English
Қазақстандық режиссер Ақан Сатаевтың "Районы" фильмі Ресейде прокатқа шығады, - деп хабарлайды Tengrinews.kz тілшісі. Бұл туралы режиссер Instagram желісіндегі парақшасында жазды.
Сатаевтың айтуынша, картина Ресейдің бірнеше қаласында көрсетіледі: Санкт-Петербург, Омбы, Улан-Удэ. "Үлкен Ресей үшін бұл көп қала емес, бірақ бұл да бір нәтиже", - деді режиссер.
Еске сала кетейік, "Районы" фильмі қазақстандық прокатқа 2016 жылдың қараша айында шыққан болатын. Фильмдегі басты рөлдерде Елтеріс Нұржанов, сондай-ақ, режиссердің қызы Марйам Сатаева сомдады.
Картина 1980 жылдардың соңындағы кезеңді және Алматы қаласының сол уақытта қандай болғанын, оның тарихын көрсетеді. Басты кейіпкер Арсен отбасымен бірге қаланың шетінен орталыққа көшіп келеді. Жаңа мектепте жаңа достар табады. Өздерін "районның жігіттері" деп атайтын Азамат пен Хабиб есімді балалармен танысып, дос болады. Онымен қоса, жаңадан қалаға көшіп келген жігіт қатыгездік пен қылмыс әлемінің ықпалына түсіп қалады.
