+7 (777) 001 44 99
Қазақша
Русский
English
HBO телеарнасы Warner Bros. компаниясымен "Достар" сериалының жалғасын түсіру үшін келіссөздер жүргізіп жатыр, - деп хабарлайды The Hollywood Reporter.
Басылым дереккөзінің айтуынша, келіссөздер әлі аяқталмаған және келіспей қалуы да мүмкін. Алайда келіскен жағдайда ситкомның барлық жұлдыздары Дженнифер Энистон (Рэйчел), Кортни Кокс (Моника), Лиза Кудроу (Фиби), Мэтт Леблан (Джоуи), Мэтью Перри (Чендлер) және Дэвид Швиммер (Росс) экранға қайтып келуі мүмкін. Сондай-ақ, телеарна түсірілімдерге сериалдың құрылтайшылары Дэвид Крейн мен Марта Кауффманды шақыруды жоспарлап отыр екен.
Алғаш рет жанкүйерлер сериалдың жалғасы Дженнифер Энистонның Instagram желісінде "Достарымен" түскен селфиден кейін айта бастады.
"Достар" сериалы Нью-Йоркте тұратын алты адамның өмірі жайлы. Фильм 1994-2004 жылдары аралығында көрсетілді. Барлығы - 10 маусым. Дженнифер Энистоннан бөлек, Кортни Кокс, Лиза Кудроу, Мэтт Леблан, Мэттью Перри және Дэвид Швиммер есімді әртістер түскен.
