+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Иранның астанасы Тегеранда өткен 35-ші Халықаралық Фаджр кинофестивалінде режиссер Сәбит Құрманбековтың "Оралман" фильмі шетелдік фильмдер арасынан топ жарып, бас жүлде - "Азияның үздік фильмі" жүлдесін жеңіп алды, - деп хабарлайды Tengrinews.kz тілшісі "Қазақфильм"АҚ баспасөз қызметіне сілтеме жасап.
Иранның астанасы Тегеранда өткен 35-ші Халықаралық Фаджр кинофестивалінде режиссер Сәбит Құрманбековтың "Оралман" фильмі шетелдік фильмдер арасынан топ жарып, бас жүлде - "Азияның үздік фильмі" жүлдесін жеңіп алды, - деп хабарлайды Tengrinews.kz тілшісі "Қазақфильм"АҚ баспасөз қызметіне сілтеме жасап.
Қазақстан Республикасы Мәдениет және спорт министрлігінің тапсырысы бойынша Шәкен Айманов атындағы "Қазақфильм" киностудиясы түсірген бұл фильм осы фестивальдің "Шығыс Панорамасы" секциясында 12 елден келіп түскен 15 толықметраж картинамен бақ сынады.
Естеріңізге сала кетсек, "Оралман" фильмі туған жерінен кетуге мәжбүр болған, алайда ондаған жылдар өткен соң Ауғанстаннан еліне қайта оралған қандастарымыз жайлы баяндайды. Фильмге Дулыға Ақмолда, Есім Сегізбаев, Ержан Түсіпов, Шынар Асқарова, Баян Қажнабиева сынды қазақстандық танымал актерлер түскен.
Фильм ХХ ғасырдың 30-шы жылдары қызыл әскердің жендеттерінен Ауғанстанға қоныс аударуға мәжбүр болған қазақ отбасы туралы. Бас кейіпкер Базарбай қарттың бір қызы мен ұлы сол жақта дүниеге келеді. Балалары есейіп, отбасын құрады. Ұлы Сапарқұл жергілікті пуштун ұлтынан келіншек алады. Ал қызы ауған жігітіне тұрмысқа шығады. Сапарқұл соғыс кезінде моджахеттер жағында соғысады. Жылдар өтеді. Базарбайдың отбасы Қазақстанға көшуге рұқсат беретін квота алады. Барлығы жолға жиналады. Таулы қышлақтан шыққан отбасыны ұзақ жол күтеді.
"Фильмнің түсіру тобын осы алғашқы жеңіспен құттықтаймын", - деді картинаның режиссері Сәбит Құрманбеков.
Айта кетейік, Фаджр халықаралық фестивалінің негізі 1982 жылы Иранның мәдениет министрлігі және ислам бағыты ұйымымен қаланған. Фестиваль Қиыр Шығыстағы ең ауқымды әрі танымал және әлем кинематографистері мәдени байланыс орната алатын бірден бір алаң есептеледі.
Фаджр кинофестивалінің негізгі байқауында әр жылдары "Қазақфильм" киностудиясының фильмдері қатысқан болатын, мысалы: Серік Апрымовтың "Соңғы аялдама", Ардақ Әмірқұловтың "Қош бол, Гүлсары" (Арнайы жүлде, 2010 ж.), Дәрежан Өмірбаевтың "Студент", Ақан Сатаевтың "Жаужүрек Мың Бала" (жүлде, 2013 ж.), Эмир Байғазиннің "Асланның сабақтары" (Арнайы жүлде, 2014 ж.), Ермек Тұрсыновтың "Шал" (техникалық және көркемдік жағынан үздік көріністері үшін арнайы жүлде, 2014 ж.) фильмдері қатысқан болатын. Өткен жылы "Фаджр" кинофестивалінде Ерлан Нұрмұхамбетовтың "Жаңғақ тал" фильмі "Азияның үздік фильмі" жүлдесін алды.
