+7 (777) 001 44 99
Қазақша
Русский
English
"Оскар-2022" марапаттау рәсімін стендап-комик Эми Шумер мен актриса Реджин Хол, Ванда Сайкс жүргізеді, - деп хабарлайды Tengrinews.kz тілшісі Reuters-ке сілтеме жасап.
Агенттік мәліметінше, ресми хабарландыру ABC телеарнасының "Қайырлы таң, Америка" бағдарламасында жасалады. Марапаттау рәсімі Walt Disney Co (DIS.N) компаниясына жататын ABC телеарнасынан 27 наурызда көрсетіледі.
Рәсімде алғаш рет үш жыл ішінде жүргізушілер болатыны айтылды. Мұндай шешім кейінгі жылдары телешоудың рейтингі төмен болуына байланысты шығарылды.
Агенттік мәліметінше, "Оскардың" продюсері Уилл Пакер рәсімді қызық өткізу үшін әзіл айта алатын әйелдерді таңдаған. Америкалық кино өнері академиясының рәсімі Лос-Анджелестегі Dolby Theater үйінде өтеді.
Сондай-ақ, рәсімді ұйымдастырушылар іс-шараға жаңа өзгерістер, қосымша "номинация" енгізді. Twitter қолданушыларына сүйікті фильм үшін дауыс беру ұсынылды, көпке ұнаған туынды рәсімде жарияланады.
Make movie history this year with #OscarsFanFavorite and #OscarsCheerMoment.
— The Academy (@TheAcademy) February 14, 2022
Head to https://t.co/HjaTjZfexf for more information. pic.twitter.com/GCPtespLqP
Еске салайық, 2019 жылы "Оскар" жүргізушілерсіз өтті. Алғашында марапаттау рәсімін Кевин Харт жүргізуі керек еді, бірақ актер ескі гомофобиялық хабарламаларға байланысты бұл қызметінен кетті. Харт кешірім сұраудан бас тартты. Ұйымдастырушылар оның орнына үміткер іздей бастады, бірақ кейін рәсімді жүргізушісіз өткізу туралы шешім шығарылды. 2020 жылы ұйымдастырушылар рәсімді тағы да жүргізушісіз өткізуге бел буды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
